حرق.. قتل.. خرق حظر التجول ورعب أمني تكشف محتوى التسجيلات الهاتفية لـ 35 ساعة الحاسمـة للثـورة

مازالت الساعات الأخيرة من عمر النظام البائد وأيضا من الثورة التونسية والأحداث التي رافقتها تثير جدلا واسعا لدى مختلف الأطراف، وظلت إلى اليوم يكتنفها الغموض حيث مازالت ألغازا وأسرارا لم تكشف تفاصيلها الدقيقة، إذ لم يعرف بعد ماذا حصل في تلك الساعات، وماهي "الطبخة" التي كانت تعد.. لم تعرف ايضا جل الاطراف التي استهدفت المصانع والمستودعات والشركات والبنوك وغيرها وزعم النظام البائد قبل سقوطه وانهياره بساعات انها عصابات ملثمة.. ومازالت نقاط استفهام مثيرة تطرح حول مدى صحة الهجوم الذي كان محتملا على قصر قرطاج انطلاقا من ضاحية الكرم، ليزداد الغموض مع تعدد الروايات وتناقض المعطيات...
تساؤلات عديدة حاولنا كشفها من خلال نشر بعض التسجيلات الصوتية للساعات الحاسمة -التي سبقت سقوط النظام السابق وهروب الرئيس المخلوع – وجرت بين عدد من الامنيين الميدانيين بتونس الكبرى وأمنيين بالقصر الرئاسي.

 مكالمة بين الناصر وحامد:
(13 جانفي 2011 الساعة 06:11-06:18)
 1 ـ الناصر: oui mon colonel
2 ـ حامد: أش نيا الحالة سي الناصر؟
3 ـ الناصر: لا باس الحالة عادية
4 ـ حامد: هاي راضت توا عندها ساعة ملي راضت هنا
5 ـ الناصر: باللاهي؟
6 ـ حامد: والله
7 ـ حامد: اسمعني أنا قلت آشنيا رايك اجماعة المراكز الكل، تو الصباح ماو باش ايجيو لخرين يمشيو الجماعة إلى خدمو بالليل، يمشيو إروحو، اطلو على ديارهم ويجيبو حاجات ماكلة وادبش وجيبو كذا ويرجعو فيسع، وباش إيزيدو هاذوما إلي جايين الصباح إلي باش يخدمو الصباح إيشدو لخرين في بلاصتهم شوية ويمشو هكاكة..
8 ـ الناصر: آه.. توا إنسيبهم يروحو، يمشيو يرتاحو إيجيبو أشنو باش إيجيبو وياكلو ويريقلو أمورهم
9 ـ حامد: إيواه.. وإيجيبو ادبش متاع لغطا ومتع كذا ويرجعو
10 ـ الناصر: قداش نعطوهم ارجوع
11 ـ حامد: هاذيكا المشكلة أحنا والحالة توه
12 ـ الناصر: إمممم
13 ـ حامد: الاقرب واحد يرجع فيسع والبعاد كيف كيف
14 ـ الناصر: لا peut etre تخليهم حرين
15 ـ حامد: إمممممممممم
16 ـ الناصر: مشكلة
17 ـ حامد: أعطيهم يا خويا آخر وقت، ماضي 3، إنقولو نصف النهار الناس الكل تبدا موجودة
18 ـ الناصر: زعمة...
19 ـ حامد: إي باش إيجيو يرتاحو هونيا مش باش يرقد في دارو هو
20 ـ الناصر: ناقصتني كوات هنا وناقصتني برشا حاجات
21 ـ حامد: هذاك علاش
22 ـ الناصر: مفماش امكانية يبعثونا من غادي
23 ـ حامد: هاتو انشوفو، أنا اليوم هاو باش انشوف اجماعة، احنا والحالة سي الناصر ما تعرفش توا هاي هادية عندها ساعة ملي هدات
24 ـ الناصر: أوووف
25 ـ حامد: معناها ناس اتحدات couvre feu، ناس ماي همهاش، ناس هجمت على البنك سنترال البنوك الكل هتكوها، معمل شاكيرا، الواحد، الفورد، لمعامل الكل هتكو(...) ماخلاو فيها شيء لبلاد
26 ـ الناصر: يا والله حال
27 ـ حامد: تعرف شنية، ما خلاو فيها شيء ما خلاو فيها شيء
28 ـ الناصر: malgré couvre feu
29 ـ حامد: يا ولدي malgré couvre feu ماذابيك malgré الكرتوش، ناس ماي هموش صاحبو مقتول قدامو يعفسو ويتعدى
30 ـ الناصر: يا رسول الله
31 ـ حامد: إيه تي احنا لقصر تعرف وين أوصلنا إلواحد إتقدمنا
32 ـ الناصر:إمم
35 ـ حامد: اعملنا les barierres طوقنا سيدي بوسعيد وحدنا لا شرطة لا جيش، لا حتا حد راهو
36 ـ الناصر: لا حتى هنا الشرطة شيء في الليل ما فما شيء
37 ـ حامد: ما فماش ما عادش عندهم.. ما عادش عندهم
38 ـ الناصر: لهنا دخلت لحمام الأنف هتكوها لداخل
39 ـ حامد: يا ولدي نسمع في الجهاز لمراكز حرقوها شيء شيء ما هول، شيء ماهول
40 ـ الناصر: إممم، او آشنيا الحل تو في لاخر
41 ـ حامد: آه
42 ـ الناصر: واش نيا في لاخر اشنيا نهايتها
43 ـ حامد: مزالو مزالو، ممم مزالو مزالو أكثر ملبارح، توا انتي انتي البارح ويلت البارح فما couvre feu
44 ـ الناصر: لا
 45 ـ حامد: أما أقوا متاع البارح ولا ولت البارح
46 ـ الناصر: البارح أقوى
47 ـ حامد: باهي، والبارح فاها couvre feu
48 ـ الناصر: اصحيح
49 ـ حامد: خلي مابالك اليوم، هو ما ماشين عندهم يوم العصيان الكبير هو يوم الجمعة
50 ـ الناصر: يا ولا حال
51 ـ حامد: معناها هاكلي بعد صلاة الجمعة ناوين على خلاها
52 ـ الناصر: ملا لعب، باقي facebook هو اللي يسير
53 ـ حامد: facebook قنوات العالم الكلها ولات ضدنا
54 ـ الناصر: آه
55 ـ حامد: توا هاي اتكنولوجيا ريتها التكنولوجيا الجديدة
56 ـ الناصر: الله غالب آش باش تعمل اتره
57 ـ حامد: إنتي عندك سلاحك تحتك
58 ـ الناصر: لا معنديش
59 ـ حامد: كيفاش سي الناصر؟
60 ـ الناصر: كيفاه؟ امنين جاني
61 ـ حامد: لا لا حط سلاحك تحتك الكلنا امسلحين الضباط الكلها امسلحا
62 ـ الناصر: والله ما عندي
63 ـ حامد: لا لا حط سلاح
64 ـ الناصر: امنين انجيبو سلاح
65 ـ حامد: متاع رئيس المركز ما عندوش؟
66 ـ الناصر: عندو رئيس المركز
67 ـ حامد: آه
68 ـ الناصر: عندو
69 ـ حامد: إيه يعجبكشي إنتي ضابط غاديكا.. يلزم عندك سلاحك تحتك
70 ـ الناصر: يلزم واحد شكون باش ايجيبلنا من غادي حاجة
71 ـ حامد: إيه أتوا اصبح ايجي سسمو رضوان ولكل.. ويشوف أشنواه التجهيزات اللي يلزم ويجيبهملك الكل غادي
72 ـ الناصر: واضح
73 ـ حامد: أما يلزك يمشي معاهم يمشي الشاذلي
74 ـ الناصر: إيه يلزم ضابط يجيبهم
75 ـ حامد: شوف توا مع رؤساء المراكز القراب.. فهمتني ولى لا.. يمشيوش يطلو على عايلتهم ويرجعو surtout الحمامات ما تنجمش على خاطر الحمامات يأكد ويعاود السيد المدير العام على الإحتياط
76 ـ الناصر: امممممم احتياط
77 ـ حامد: كل مركز يلزم عندو حضيرة احتياط تحت ذمتو على الاقل.. هذاكا علاش قتلك ما ينجمش يسيبها الكل.. فهمتني واحد au moin على الاقل تسيب الشطر يمشيو توا ويرجعو نصف النهار والشطر الآخر يخرج نصف النهار ويرجعو قبل الستة
78 ـ الناصر: اتو نشوف أنا وعلي ونظموها
79 ـ حامد: انتي وعلي والمراكز اللخرين نظمها
80 ـ الناصر: باهي داكوردو وحاول باش تبعثلنا كان ثما حاجة
81 ـ حامد: اه
82 ـ الناصر: معادش عندي شي هنا
83 ـ حامد: شنوا ما عندكش
84 ـ الناصر: السلاح والإحتياط باش
85 ـ حامد: إيه يلزم عندك سلاح ويلزم عندك الغاز ها كالغاز اللي يترما باليد وحتى اللونس غاز بالفيزي فهمتني
86 ـ الناصر: ايه
87 ـ حامد: معادش فيها يا سي الناصر.. راو كل شيىء يلزمو عندك تمركز البارح مراكز بسلاحاتها تحرقت وخطفو برشا شطاير حط في بالك راهو
88 ـ الناصر: باللاهي
89 ـ حامد: واللاهي حط في بالك.. راهو فما برشا شطاير مخطوفين.. وفما بوليسية معزولة معاهم وفما فهمتني ولا البارح واحد من السجون معبي كرهبتو ببادن ايسونس يعبيلهم مولوتوف ويعطي فيهم
90 ـ الناصر: ملا لعب ربي يستر
91 ـ حامد: فهمتني هذايا ستري قراف اذا كان دخل الأمن أو ولا معاهم هوني المشكل راهو معناها فتنا الخطوط الحمراء
92 ـ الناصر: oui صحيح
93 ـ حامد: داكوردو
94 ـ الناصر: إن شاء الله لباس
95 ـ حامد: معناها ما تستغربشي يكونو كمية فيهم بشطاير
96 ـ الناصر: صحيح ان شاء الله لباس ونحاولو نشدو رواحنا
97 ـ حامد: داكوردو
98 ـ الناصر: واضح

 مكالمة بين فتحي وماهر
(13 جانفي 2011 الساعة 06:57-06:58)
1 ـ ماهر: صباح الخير(..) ماهر(...) لباس سي فتحي
2 ـ فتحي: وينك سي ماهر لباس
3 ـ ما هر: لباس الحمد الله.. للإعلام تعزيزات أمنية خرجت تويكا لأمن المقر تسلمهم سي محمد (..)
4 ـ فتحي: إي قداش خذاو
5 ـ ماهر: خذاو 40 شطاير
6 ـ فتحي: اي ماو باش يخدمو 12 ـ 12 اليوم
7 ـ ماهر : ايه ايه زاد خذاو
8 ـ فتحي: توا خرجو
9 ـ ماهر: ايه توا هام déja عمل depart توه
10 ـ فتحي: منين خذاوهم باللاهي منا مشجب
11 ـ ماهر: من هنا من هنا مالخزينة الكبيرة
12 ـ فتحي: أهههههههه أههههههه هذايا مالوحدة البيضا
13 ـ ماهر: من هنا الكبير متاع الموظفين الثكنة
14 ـ فتحي: 40 شطاير
15 ـ ماهر: 40 شطاير ودوز سات وماق و10 بيرتا
16 ـ فتحي: واضح واضح..
17 ـ ماهر: تفضل ايا
18 ـ فتحي: داكوردو
مكالمة هاتفية بين هادي ومراد
(13 جانفي 2011 الساعة 07:30-07:33)
1 ـ مراد: آه صباح الخير هادي
2 ـ هادي: أه مراد ca va
3 ـ مراد: والله إن شاء الله لاباس، يا ولدي(..) تعرف آشنيا(..).. تحلت حرب بأتم معنى الكلمة.. (..) (..)(..)(..)(..) يا هادي، ربي يسترنا نحنا وكهو وكهو وكهو
4 ـ هادي: توا آش فما غادي
5 ـ مراد: ريت شفت حي التضامن والإنطلاقة توه كالما ريت البارح
6 ـ هادي: هذاك البارح في بالنا بيه، ملبارح في الليل
7 ـ مراد: اسمعني اسمعني ماريتو حتى شيء برجوليا يا هادي رانا باش(...)  رانا باش انموتو راهو
8 ـ هادي: امممممممممم
9 ـ مراد: نحنا رانا الهدف الأول.. نحنا الهدف الأول غير بركا عنا دبابة ونحنا بلاصتنا جات باهية اما باش انموتو باش(...) راهو، محصورين كدجاج لهنا وربي يقدر الخير وكهو، شفت الانطلاقة وحي التضامن
10 ـ هادي: أمممممم
11 ـ مراد: مآت المليارات مشات
12 ـ هادي: إمممم
13 ـ مراد: فهمتني لا خلاو لا خواص معتمدية لتوا تشعل على العظم البلدية على العظم البوسطة على العظم البنوك على العظم ألشسمو جراية(..) في 15 مليار البارح.
14 ـ هادي: حرقولو الدنيا كل، جراية البارح
15 ـ مراد: حرقولو شفتو جراية عندو دبو فيه 10 مليارات سلعة لوح، لتوه تشعل
16 ـ هادي: يا لطيف يا ربي يا لطيف
17 ـ مراد: يا هادي آش باش نحكيلك يا هادي أوخي، راهو ماصارتش شفت العراق وحرب العراق هكاكا بضبط
18 ـ هادي: البارح في الليل بعد 8 آشنوا
19 ـ مراد: لا البارح في الليل بعد 8.. هادي عملو محاولات باش يحرقو cnam متاعنا
20 ـ هادي: إيه
21 ـ مراد: يا خي امشينالهم نحنا وفرقناهم أما المجموعات ديما اقل في الليل، افهمت
22 ـ هادي: إييه إييه
23 ـ مراد: لكن فما تحركات في برشا بلايص راو في الليل
24 ـ هادي: إممم
25 ـ مراد: فما مركز، وحدة متاع حماية مدنية مقر في حمام لنف (...) حرقوه
26 ـ هادي: إممم إممم
27 ـ مراد: معناها مقرات السيادة مستهدفة و(...) فيها حتى في الليل حتى في الكوفرفو ولعباد تضرب فهمتني، ربي يقدر الخير وكهو
28 ـ هادي: ok ok أي، تو انكلمك امبعد باش اتروحو انتوما توا وإللا
29 ـ مراد: إنا توا باش انركح شويا الجو نمشي انروح لداري انبدل حوايجي واندوش، ونقعد شويا ونعاود نرجع هادي
30 ـ هادي: اكا هو سايس روحك
31 ـ مراد: هذاك هوو، هنا بشويا قاعدين نروحو ونرجعو، برا ربي امعاك يا هادي
32 ـ هادي: تشاو
33 ـ مراد: إن شاء الله نهارك زين